وصفات الاطباق الرئيسية

طرق عمل المسقعة

طرق عمل المسقعة

طرق عمل المسقعة

النهاردة جيبالكوا طريقة عمل أكل جميل بنحبه

كلنا بأذن الله جيبالكوا طريقة عمل المسقعة بكل

أشكالها وألوانها وكمان بطعمها الحلو اللي محدش

يقدر يستغنى عن الأكل الشعبي الجميل هنعمل

النهاردة ( طريقة عمل المسقعة البلدي – طريقة

عمل المسقعة باللحمة والبشاميل – طريقة عمل

بيتزا المسقعة بالجبنة) يارب تعجبكوا.

طريقة عمل المسقعة البلدي:-

المقادير:

كيلو باذنجان رومي – 2 كوب عصير طماطم

مفروم ومتصفي – 2 معلقة كبيرة ثوم – ربع

كيلو فلفل رومي – ربع كيلو فلفل حار – ربع

كيلو بطاطس تحمير – 2معلقة صلصة طماطم

– معلقة خل أبيض صغيرة – معلقة كبيرة ملح

– معلقة كبيرة فلفل أسود – معلقة كبيرة كسبرة

ناشفة – معلقة بابريكا كبيرة – معلقة بهارات كبيرة زيت.

طريقة التحضير :

1- نضع زيت سخن عميق على النار ونقطع الباذنجان

شرائح عريضة شوية ونضعها في الزيت لحد ما

يتلون ويبقى لونة كويس ونشيل الباذنجان ونحطه

على ورق مناديل مطبخ.

2- نحضر الفلفل الرومي ونعمل فيه فتحه علشان

مش يفرقع في الزيت ونحطه في زيت سخن عميق

ومش نسيب الفلفل كتير علشان مش يتحرق

ونحطه على ورق مناديل مطبخ.

3- نحضر الفلفل الحار ونعمل فيه فتحه علشان

مش يفرقع في الزيت ونحطه في زيت سخن عميق

ومش نسيب الفلفل كتير علشان مش يتحرق

ونفرده على ورق مناديل مطبخ.

4- نحضر البطاطس ونقطعها صوابع عريضة شوية

ونحمرها في زيت سخن عميق ونسبها لحد ما تاخد

لون ونطلعها على ورق مناديل مطبخ علشان يشرب الزيت.

طريقة تحضير الصلصة:

نحضر حلة ونضعها على النار ونضع فيها 4 معالق زيت

كبيرة ونضع بها الثوم المفروم ونقلبها لحد ما يصفر

شوية ونحط عليه معلقة خل أبيض صغيرة ونحط

معلقة الصلصة ونقلبها شوية ونحط بعد كده عصير

الطماطم المفروم والمتصفي ونسبها تتسبك على النار

ونضع معلقة الملح الكبيرة ومعلقة فلفل أسود صغيرة

ومعلقة بابريكا صغيرةونضع معلقة كسبرة كبيرة

ومعلقة بهارات كبيرة.

طريقة تركيب الطبق:

نحضر صينية بايركس ونضع فيها الباذنجان المحمر

ونضع فوقها الفلفل الرومي والفلفل الحار والبطاطس

وفي الأخر نضع فوقها الصلصة اللي عملنها ونسبها

في الفرن في الرف الأوسط لمدة 10 دقائق على درجة

حراره 180 وهتطلع أحلى مسقعة بلدي.

بالهناوالشفا.

طريقة عمل مسقعة باللحمة المفرومة والبشاميل:

المقادير: كيلو باذنجان رومي – 2 كوب عصير طماطم

مفروم ومتصفي – 2 معلقة كبيرة ثوم – ربع كيلو فلفل

رومي – ربع كيلو فلفل حار – ربع كيلو بطاطس تحمير

– 2معلقة صلصة طماطم – معلقة خل أبيض صغيرة

– 4 معالق دقيق – أربع كوب لبن – نصف كيلو لحمة

مفرومة – 2 بصل مقطع قطع صغيرة زيت – معلقة

ملح كبيرة – معلقة فلفل أسود كبيرة – معلقة

كسبرة ناشفة كبيرة – معلقة بهارات – 4 معالق

زبدة كبيرة – معلقة بهارات لحمة كبيرة – رشة

صغيرة جوزة الطيب – معلقة صغيرة فلفل أبيض.

طريقة تحضير البشاميل:

نضع حلة على النار ونضع بها أربع معالق زبدة ونضع

فوقها 4 معالق دقيق ونقلبها لحد ما يتحمر الدقيق

ونضع فوقها 4كوب لبن ساقع ونقلب لحد ما يتماسك

ونضع نصف معلقة صغيرة ملح ونصف معلقة صغيرة

فلفل أسود ورشة صغيرة جوزة الطيب ورشة صغيرة

فلفل أبيض.

طريقة تحضير اللحمة المفرومة:

نضع طاسة على النار ونضع فيها اللحمة المفرومة ونتركها

شوية وبعد كده نضع فوقها البصل المقطع صغير ونقلبة

شوية ونضع فوقها معلقة زبدة ومعلقة صلصة كبيرة

ونضع  معلقة ملح صغيرة ومعلقة فلفل أسود صغيرة

ومعلقة بابريكا كبيرة ومعلقة بهارات لحمة كبيرة.

طريقة التحضير الخضار :

1- نضع زيت سخن عميق على النار ونقطع الباذنجان شرائح

عريضة شوية ونضعها في الزيت لحد ما يتلون ويبقى

لونة كويس ونشيل الباذنجان ونحطه على ورق

مناديل مطبخ.

2- نحضر الفلفل الرومي ونعمل فيه فتحه علشان مش

يفرقع في الزيت ونحطه في زيت سخن عميق ومش

نسيب الفلفل كتير علشان مش يتحرق ونحطه على

ورق مناديل مطبخ.

3- نحضر الفلفل الحار ونعمل فيه فتحه علشان مش

يفرقع في الزيت ونحطه في زيت سخن عميق ومش

نسيب الفلفل كتير علشان مش يتحرق ونفرده على

ورق مناديل مطبخ.

4- نحضر البطاطس ونقطعها صوابع عريضة شوية ونحمرها

في زيت سخن عميق ونسبها لحد ما تاخد لون ونطلعها

على ورق مناديل مطبخ علشان يشرب الزيت.

طريقة تحضير الصلصة

نحضر حلة ونضعها على النار ونضع فيها 4 معالق زيت كبيرة

ونضع بها الثوم المفروم ونقلبها لحد ما يصفر شوية ونحط

عليه معلقة خل أبيض صغيرة ونحط معلقة الصلصة ونقلبها

شوية ونحط بعد كده عصير الطماطم المفروم والمتصفي

ونسبها تتسبك على النار ونضع معلقة الملح الكبيرة

ومعلقة فلفل أسود صغيرة ومعلقة بابريكا صغيرةونضع

معلقة كسبرة كبيرة ومعلقة بهارات كبيرة

طريقة تركيب الطبق:

نحضر صينية بايركس ونضع فيها نصف الباذنجان المحمر

ونضع فوقها نصف الفلفل الرومي و نصف الفلفل الحار

و نصف البطاطس ونضع فوقها اللحمة المفرومة ونضع

باقى الباذنجان والفلفل والبطاطس وفي الأخر نضع

فوقها الصلصة اللي عملنها  ونضع البشاميل ونسبها

في الفرن في الرف الأوسط لمدة 25 دقيقة على درجة

حراره 180 وهتطلع أحلى مسقعة باللحمة المفرومة

والبشاميل.

بالهناوالشفا.

طريقة عمل مسقعة البيتزا:-

المقادير:

كيلو باذنجان رومي – 2 كوب عصير طماطم مفروم

ومتصفي – 2 معلقة كبيرة ثوم – ربع كيلو فلفل رومي

– ربع كيلو بطاطس تحمير – 2معلقة صلصة طماطم

– معلقة خل أبيض صغيرة – معلقة كبيرة ملح – معلقة

كبيرة فلفل أسود – معلقة كبيرة كسبرة ناشفة –

معلقة بابريكا كبيرة – معلقة بهارات كبيرة زيت – كوب

جبنة رومي مبشور – كوب جبنة شيدر مبشور – كوب

جبنة موزاريلا – كوب زيتون أسود – كوب زيتون أخضر.

طريقة التحضير :

1- نضع زيت سخن عميق على النار ونقطع الباذنجان

شرائح عريضة شوية ونضعها في الزيت لحد ما يتلون

ويبقى لونة كويس ونشيل الباذنجان ونحطه على

ورق مناديل مطبخ.

2- نحضر الفلفل الرومي ونقطه شرائح  عريضه ونحطه

في زيت سخن عميق ومش نسيب الفلفل كتير علشان

مش يتحرق ونحطه على ورق مناديل مطبخ.

4- نحضر البطاطس ونقطعها حلقات عريضة شوية ونحمرها

في زيت سخن عميق ونسبها لحد ما تاخد لون ونطلعها

على ورق مناديل مطبخ علشان يشرب الزيت.

طريقة تحضير الصلصة:

نحضر حلة ونضعها على النار ونضع فيها 4 معالق زيت كبيرة

ونضع بها الثوم المفروم ونقلبها لحد ما يصفر شوية

ونحط عليه معلقة خل أبيض صغيرة ونحط معلقة الصلصة

ونقلبها شوية ونحط بعد كده عصير الطماطم المفروم

والمتصفي ونسبها تتسبك على النار ونضع معلقة

الملح الكبيرة ومعلقة فلفل أسود صغيرة ومعلقة بابريكا

صغيرة ونضع معلقة كسبرة كبيرة ومعلقة بهارات كبيرة.

طريقة تركيب الطبق:

نحضر صينية بايركس ونضع فيها الباذنجان المحمر ونضع

فوقها الفلفل الرومي الحلقات والبطاطس الحلقات

وفي الأخر نضع فوقها الصلصة اللي عملنها  ونضع

فوقها الزيتون الاخضر والأسود ونضع فوقها الجبنة

الرومي والجبنة الشيدر والجبنة الموزاريلا ونحطها

في الفرن في الرف الأوسط على درجة حرارة 150

درجة لمدة 10 دقائق لحد ما الجبنة تسيح وبالهنا

والشفا أحلى مسقعه بيتزا.

وبالهنا والشفا.

النهاردة عملنا أكثر من وصفة للمسقعة عملنا ( طريقة عمل المسقعة البلدي – طريقة عمل المسقعة باللحمة والبشاميل – طريقة عمل بيتزا المسقعة بالجبنة) يارب تعجبكوا وتجربوها بالتكات والحركات وبالهنا والشفا.