أحلى أكلات رمضان

أحلى أكلات رمضان

أحلى أكلات رمضان

الطعام من منا لا يأكل ولا يحب الأكل!من منا لم يضيع وقته وماله على

المطاعم لكي يأكل طعام يحبه ويشتهي مذاقه نجد أن الكثير من الأشخاص

في الوطن العربي بل في العالم أجمع يبحثون عن مطاعم ذات جودة عالية

وطعام ذو مذاق رائع ولكن بعد اليوم لا مزيد من التعب وأرهاق المال وضياع

الوقت إليكي سيدتي بعض الوصفات الغير تقليدية التي سوف تقومين

بتحضيرها في المنزل بكل سهولة.

طريقة عمل الحواوشي البلدي:-

المقادير:

نصف كيلو لحمة مفرومة – بصل مفروم  – كبابة صيني – معلقة كبيرة بابريكا –

فلفل ألوان قطع صغيرة  – فلفل حار قطع صغيرة – رشة ملح – رشة فلفل أسود-

طماطم لحم بدون بذر – كوب سمن – كوب زيت – عيش بلدي – شطه – بودرة ثوم –

بودرة بصل – كمون – جوزة الطيب – شطه على حسب الرغبة.

طريقة التحضير:

 1- نحضر طبق ونضع فيه اللحمة المفرومة ونضيف عليها البصل والبهارات الكبابة

الصيني ورشة البابريكا والفلفل الألوان القطع والفلفل الحار ومعلقة ملح صغيرة ومعلقة

فلفل أسود الصغيرة ونقلبها كويس في بعض ومن ثم نضع الطماطم اللحم بدون بذر

وبودرة الثوم وبودرة البصل ورشة كمون ورشة جوزة الطيب ورشة الشطه على

حسب الرغبة ونقلبهم كويس في بعض.

2- نحضر العيش ونقصه بالمقص بتاع المطبخ من الجنب ونضع الخليط السابق في الرغيف من الداخل.

3- نحضر صينية فرن وندهنها كويس بالزيت والسمن ونجيب الرغيف وندهنها من فوق ومن تحت ونحطها في الصينية.

4- نقوم بتسخين الفرن جيداً ونحط الصينية في الرف الأوسط حتى يحمر العيش من الجانبين.

وبعد أن يحمر نخرجه ويقدم ساخن مع شوية بطاطس مقرمشة وبالهنا والشفا.

طريقة عمل الحواوشي الأسكندراني:-

المقادير:

نصف كيلو لحمة مفرومة – بصل مفروم  – كبابة صيني – رشة بابريكا – فلفل ألوان

قطع صغيرة  – فلفل حار قطع صغيرة – معلقة ملح كبيرة – معلقة فلفل أسود

كبيرة – طماطم لحم بدون بذر – سمن – كوب زيت ذره– بودرة ثوم – بودرة

بصل –  معلقة كمون كبيرة – رشة جوزة الطيب – شطه على حسب الرغبة

– 5 أكواب دقيق –خميرة فورية – لبن دافئ حسب الأحتياج – علبة زبادى.

طريقة التحضير:

 1- نحضر طبق ونضع فيه اللحمة المفرومة ونضف عليها البصل والبهارات الكبابة

الصيني والبابريكا والفلفل الألوان القطع والفلفل الحار ومعلقة ملح صغيرة

ومعلقة فلفل أسود الصغيرة ونقلبها كويس في بعض ومن ثم نضع الطماطم

اللحم بدون بذر وبودرة الثوم وبودرة البصل ورشة كمون ورشة جوزة الطيب

ورشة الشطه على حسب الرغبة ونقلبهم كويس في بعض.

لعمل عجينة الحواوشي الأسكندراني: 1-نحضر طبق ونضع فيه اللبن الدافئ

ونضع فوقه الخميرة الفورية ورشة ملح ورشة سكر ونقلبهم كويس ومن ثم

نضع الزبادي ونقلبه كويس ونضع الدقيق و8 ملاعق زيت ذره ونقلبهم كويس

ونضيف اللبن على حسب ما تحتاج العجينة.

2- نترك العجينة جانباً حتى تختمر لمدة نصف ساعة ومن ثم نقوم بتقطيعها كور على حسب حجم الرغيف اللي أنتي عوزاه.

3- نفرد العجينة بسمك 2 سم ونضع فوقها خليط اللحمة ونفرد عجينة أخرى ونضعها فوق اللحمة ونقوم بغلقها جيداً.

4- نحضر صينية فرن وندهنها كويس بالزيت والسمن ونجيب الرغيف العجين وندهنها من فوق ومن تحت ونحطه في الصينية.

4- نقوم بتسخين الفرن جيداً ونحط الصينية في الرف الأوسط حتى يحمر الرغيف  من الجانبين.

وبعد أن يحمر نخرجه ويقدم ساخن مع شوية بطاطس محمره وصوص الكاتشب والمايونيز وبالهنا والشفا أحلى حواوشي إسكنداني ممكن يتاكل.

طريقة عمل قوارب البطاطس باللحمة المفرومة والجبنة:

المقادير:

كيلو بطاطس -كيلو لحمة مفرومة – 3 بصلات كبيره – ربع كيلو دهن

جاموسي – بقدونس وكزبرة – ربع كوب بقسماط – فلفل حار – فلفل ألوان

– معلقة كبيرة ملح – رشة فلفل أسود – بهارات لحمه- جبنة

موزاريلا – جبة شيدر – جبنة رومي.

طريقة التحضير:

1- نضع اللحمة في الكبة ونضع فوقها البصل وربع كيلو الدهن الجاموسي والبقدونس

والكزبرة ونخلطهم جيداً.

2- نضع فوق الخليط السابق ربع كوب البقسماط والملح والفلفل والفلفل الحار

والفلفل الألوان ونخلطهم جيداً.

3 – نسوي اللحمة المفرومة بإحضار طاسة ونحط فيها زيت وننتظر حتى يسخن ونضع فيه

البصل الباقي ونضع فوقه الخليط السابق ونحركة حتى يستوي جيداًلمدة 5 دقائق

ثم نرفعه من على النار ونتركة جانباً.

4- نسلق البطاطس في ماء مغلي لمدة 4 دقائق نصف سلقة ونتركها جانباً لتبرد.

5- نحضر البطاطس المسلوقة ونقطعها نصفين ونفرغها من الداخل ونحشيها باللحمة

المفرومة المعصجة.

6- نحضر صينية للفرن ونضع فيها البطاطس ونرش فوقها الجبنة الشيدر والموزاريلا

والرومي ونضعها في الفرن في الرف الأوسط لمدة 30 دقيقة لحد ما يحمر وشه

وتخرج وتتاكل مع شوية رز حبه وحبه أو أرز بالشعرية وشوية سلطة خضراء

(خيار –طماطم – جرجير – جزر –بصل – عصرة ليمونة –وشوية زيت ذرة) وأحلى

سلطة خضرا هتكليها مع قوارب البطاطس باللحمة المفرومة والجبن.

هتطلع أحلى قوارب بطاطس باللحمة المفرومة والجبن هتكليها وبالهنا والشفا.

طريقة عمل محشي ورق العنب باللحمة المفرومة:

المقادير:

كرنب – أربع أكواب أرز مصري – 3 أكواب طماطم مفرومة – ربع كيلو لحمه

مفرومة – بقدونس – شبت – كزبرة – رشة ملح – فلفل – 2 كوب زيت

ذره – بصل مقطع قطع صغيرة – فلفل حار – شطه – رشة بابريكا – معلقة

كمون كبيرة – 2 معلقة ملح صغيرة – معلقة فلفل أسود كبيرة – نصف

معلقة نعناع على حسب الرغبة – ثوم مفروم ناعم – سكر – مرقة

دجاج – 4كوب شوربة دجاج أو لحمة.

طريقة التحضير:-

 لسلق الكرنب :

1- نقوم بتقطيع ورق العنب.

2- نضع حلة على النار وبها ماء ليغلي ونضع كمون وملح في الماء المغلي

ونضع فيه ورق العنب لحد ما يتسلق كويس ونتركة جانباً حتى يبرد.

لعمل صلصة الطماطم:

1- نحضر حلة ونضعها على النار ونضع الزيت والسمن في الحلة حتى يسخن

ونضع البصل ونقلبه جبداً لمدة 3 دقايق ونضع فوقه الثوم المفروم ونضع التوابل

بتعتنا في الحلة الشطه الحاره والبابريكا والكمون ورشة الفلفل الأسود والملح

ومرقة الدجاج ومن ثم نضع صلصة الطماطم عليها ونحركها جيداً ومن ثم نضع

عصير الطماطم ورشة السكر ونتركها لحد ما تستوي كويس.

2- نحضر الأرز ونقوم بغسله جيداً ونضع فوقها الصلصة ونقلبها جيداً.

طريقة لف المحشي ورق العنب:

طبعاً كلنا بنيجي عند لفة المحشي ورق العنب بالذات ومش بنعرف نعمل

أى حاجه هقلك على طريقة سهلة علشان تلفي المحشي بكل سهولة

هتجيبي قطعة ورق عنب وتفرديها على أيدك وتحطي الحشو وتلفيها

براحه ومش تحطي رز كتير علشان مش يطلع بره وتعملي صوابع صغيرة

تاكلي صوابعك وراها وترصيه في الحلة عكس بعض يعني رصه بالطول

ورصه بالعرض وهكذا لحد ما تخلصي الحلة كلها.

طريقة التسوية:

نيجي بقى للتسوية عملنا كل حاجه وفاضل أهم حاجه هتغلي مرقة الدجاج

أو اللحمة على النار وبعد كده هتحطيها على حلة ورق العنب لحد أخر رصه

في الحلة وتولعي عليه النار لحد ما تغلي الشوربة تاني وهى على ورق العنب

وبعدين تهدي النار عليه وتستني 30 دقيقة لحد مايستوي وتاكلي

أحلى صوابع محشي ورق  عنب وبالهنا والشفا.

قدمنالكم النهارده أشهى الأكلات المصرية الجميلة اللي كلنا بنحبها واللي

ممكن تنفع لعزايم كتيرة وتبهري بيها قرايبك وصحابك وبالهنا والشفاء.

Post Author: raid